Алматы метрополитенінде көлік құралдарын тасымалдаудың жаңа ережелері күшіне енді. Шектеулер жолаушылар мен метро қызметкерлерінің қауіпсіздігін арттыру, сондай-ақ көліктік және өрт қауіпсіздігін қамтамасыз ету үшін енгізілді, деп хабарлайды Almaty.news ақпарат агенттігі.
Енді жолаушыларға мыналарды тасымалдауға тыйым салынады: электровелосипедтер; электросамокаттар; велосипедтер (балалар велосипедтерінен басқа); скейтбордтар; моноциклдер және басқа да осыған ұқсас жүріс құралдары. Сонымен қатар, жаңа ережелер балалар және мүгедектер арбаларына, сондай-ақ қаптамадағы бүктемелі электрлік емес жүріс құралдарына қолданылмайды.
Дереккөз: Inalmaty.kz