2026 жылдың мамырынан бастап Visit Almaty бренді оңтүстіккореялық Eastar Jet әуекомпаниясының халықаралық жарнама науқанына қосылды, деп хабарлайды Almaty.news ақпарат агенттігі.
Алматының жарнамасы Сеулдегі Gimpo Airport Station станциясында орналастырылды. Бұл — қаладағы ең ірі көлік тораптарының бірі, ол арқылы күн сайын мыңдаған ішкі және халықаралық рейс жолаушылары өтеді.
Орналастыру Eastar Jet компаниясының қолдауымен тегін негізде жүзеге асырылды және Алматының туристік әлеуетін Оңтүстік Корея нарығында ілгерілетуге бағытталған бірлескен маркетингтік стратегияның бөлігі болды.
Оңтүстік Корея бүгінде Алматы үшін басым шетелдік нарықтардың біріне кіреді. 2025 жылдың қорытындысы бойынша қалаға Оңтүстік Кореядан 23,2 мыңнан астам турист келді, бұл корей саяхатшыларының Алматыға деген қызығушылығының артып келе жатқанын растайды.
Visit Almaty-ді Сеулдің халықаралық көлік инфрақұрылымында ілгерілету қаланың танымалдылығын арттыруға және Алматының Орталық Азиядағы жетекші туристік бағыттардың бірі ретіндегі позициясын нығайтуға мүмкіндік береді.
Дереккөз: Almaty.tv