25 шілдеден бастап Алматы мен Орынбор арасында ресейлік «ЮВТ АЭРО» әуекомпаниясының тікелей тұрақты рейсі жүре бастайды. Рейстер аптасына бір рет орындалады, деп хабарлайды Almaty.news ақпарат агенттігі.
Ресейлік «ЮВТ АЭРО» әуекомпаниясы 25 шілдеден бастап Алматы мен Орынбор арасында тікелей әуе қатынасын ашады. Жаңа бағыттағы алғашқы рейс осы сенбіде орындалады. Тамыз айынан бастап ұшақтар апта сайын жексенбі күндері ұшады. Бағытта 50 орындық Bombardier CRJ-200 ұшақтары қолданылады.
Әуекомпанияның бас директоры Петр Трубаевтың айтуынша, жаңа бағыт Орынбор облысы мен көршілес аймақтар тұрғындарының Қазақстанға сапарларына тұрақты сұранысқа байланысты ашылып отыр. «Алматы тек ірі бизнес орталығы ғана емес, сонымен қатар Орталық Азияның бірегей табиғаты мен мәдениетін бағалаушылар үшін тартымды орын», — деп атап өтті ол.
Бір бағыттағы билет құны 17 026 рубльден (шамамен 101 мың теңге) басталады. Бұл бағаға әуе тасымалдаушының стандартты қызметтер жиынтығы кіреді.
Дереккөз: Inalmaty.kz