2026 жылдың қаңтар-маусым айлары аралығында Алматы кітапханаларына келушілер саны 700 мыңнан асты. Бұл туралы қалалық Мәдениет басқармасы хабарлады, деп хабарлайды Almaty.news ақпарат агенттігі.
Қазіргі уақытта кітапхана жүйесі 30 филиалды біріктіреді, кітап қоры 1,37 млн данадан асады, ал оқырмандар саны 341 мыңнан астам адамды құрайды.
Биыл Алматы кітапханаларының мобильді қосымшасы іске қосылды, ол электронды оқырман билетін ресімдеуге, цифрлық каталогты пайдалануға және кітаптарды жеткізуге тапсырыс беруге мүмкіндік береді. Ерекше қажеттіліктері бар адамдар үшін бұл қызмет тегін көрсетіледі.
Кітапхана қорын цифрландыру жалғасуда — цифрландырылған материалдар саны 39 мыңға жуықтады.
Дереккөз: Almaty.tv