Алматы әуежайында жүргізіліп жатқан жөндеу жұмыстары кезінде желдету құбырының бір бөлігі жолаушылардың қасына құлап түсті, деп хабарлайды Almaty.news ақпарат агенттігі.
Оқиға куәгері Instagram-дағы парақшасында бейнежазба жариялап, әуежай әкімшілігін жағдайды бақылауға алып, шара қолдануға шақырды.
Халықаралық Алматы әуежайының баспасөз қызметі оқиғаға қатысты түсініктеме берді. Олардың айтуынша, инженерлік жүйелерді монтаждау кезінде желдету элементінің – икемді желдету гофрасының – төбе деңгейінен төмен түсірілген кезде ішінара ажырауы орын алған.
Бақытымызға орай, оқиға салдарынан зардап шеккендер жоқ, — делінген әуежай хабарламасында.
Бір күн бұрын, 2026 жылғы 10 маусымда, Астана әуежайының жолаушылары жалған дабылдар туралы ескертілген болатын.
Дереккөз: Zakon.kz