Алматы әлемдік гастрономиялық рейтингке енді. Тізімді жасаушылар қалада соңғы бірнеше жылда Almaty Food Fest фестивалі өтіп, аймақ аспаздарын біріктіргенін және алғашқы гастрономиялық гид шыққанын атап өтті, деп хабарлайды Almaty.news ақпарат агенттігі.
Басылымның бағалауынша, қою бешбармақ, классикалық қазы, ет қосылған самса, қуырылған бауырсақ және қуырылған лағманның арқасында саяхатшылар жергілікті көшпелі дәстүрлердің мұрасын, сондай-ақ ұйғыр, орыс, өзбек, корей, түрік және үнді асханаларының әсерін сезіне алады.
Дәстүрлі дәмдер әлі де Жасыл базарда кеңінен ұсынылған, ал заманауи жаңа көшпелі бағыттағы мейрамханалар оларды өзекті интерпретацияда береді.
Eater – әлемдегі мейрамханалар мен гастрономияға арналған ең ықпалды басылымдардың бірі. Оның тізіміне ену қаланың халықаралық танымалдығын арттырып, гастрономиялық туризмнің дамуына оң әсер етеді.
Дереккөз: Zakon.kz