14 мамырда сағат 11:00-де Алматыда ескерту сиреналары естіледі. Бұл сейсмикалық жаттығу аясында өтеді, деп хабарлайды Almaty.news ақпарат агенттігі.
ТЖД мәліметінше, жаттығуға алдын ала дайындық жүргізілуде. 12 мамырдан бастап радио және телеарналарда төтенше жағдай кезінде сабыр сақтау туралы ұсыныстармен бірге жоспарлы сейсмикалық жаттығу туралы ақпарат көрсетіледі.
«Назар аударыңыздар!!!» дыбыстық сигналы – бұл халықтың назарын аударуға арналған ескерту сигналы. Ол төтенше жағдай қаупі немесе орын алған кезде шұғыл хабарламаларды беру алдында беріледі.
Сигналды естіген кезде теледидар мен радионы қосып, интернет-ресурстар мен мобильді қосымшалардағы ақпаратты оқып, әрі қарайғы әрекеттер бойынша нұсқаулық алу қажет.
Мұндай жаттығулар тұрақты түрде өткізіледі. Мысалы, олар 2026 жылғы 25 ақпанда өткен болатын.
Дереккөз: Zakon.kz