Алматыда 16-20 шілде аралығында Төле би көшесінің Өтеген батыр және Вилюйск көшелері аралығындағы бөлігінде көлік қозғалысы уақытша шектеледі, деп хабарлайды Almaty.news ақпарат агенттігі.
Шектеулер жеңіл рельсті көлік (ЛРТ) желісін салу аясында инженерлік желілерді ауыстыруға байланысты. 16-18 шілде аралығында шығыс бағыттағы қозғалыс шектеледі. Жолдың солтүстік жағында жүріп өтуді сақтау үшін реверсивті қозғалыс ұйымдастырылады. Содан кейін, 18-20 шілде аралығында жұмыстар көшенің қарама-қарсы жағында жалғасады. Бұл кезеңде реверсивті қозғалыс Төле бидің оңтүстік жағына ауыстырылады.
Жүргізушілерге маршрутты алдын ала жоспарлауға және уақытша жол белгілерін мұқият қадағалауға кеңес беріледі.
Дереккөз: Inalmaty.kz