Алматыда Олимпиадалық кеңестің Азиядағы (ОСА) делегациясы қаланың 2029 жылы өтетін X қысқы Азия ойындарына дайындығы аясында инспекциялық сапармен болды, деп хабарлайды Almaty.news ақпарат агенттігі.
Делегация құрамына ОСА-ның спорт, медиа, ақпараттық технологиялар және даму бағдарламалары бойынша басшылары мен мамандары кірді.
Сапар барысында Алматының ойындарға дайындығының негізгі мәселелеріне арналған жұмыс кездесулері өтті, содан кейін делегация қаланың негізгі спорт нысандарымен және қонақ үй инфрақұрылымымен танысты.
ОСА өкілдері Halyk Arena, Almaty Arena, «Медеу» тау спорт кешені, «Шымбұлақ» тау курорты, «Сұңқар» халықаралық шаңғы трамплиндер кешені, Балуан Шолақ атындағы спорт сарайы, сондай-ақ жарыстарға қатысушылар мен ресми тұлғаларды орналастыру үшін қарастырылып жатқан бірқатар қонақ үйлерді аралады.
Инспекциялық сапар Алматының X қысқы Азия ойындарына дайындығының кезекті кезеңі болды. Жұмыс кездесулері мен нысандарды тексеру қорытындысы бойынша тараптар одан әрі өзара іс-қимыл бағыттарын және Азиядағы ең ірі қысқы спорт шарасын ұйымдастыруға байланысты мәселелерді талқылады.
Дереккөз: Almaty.tv