2026 жылдың 24 шілдесінен 30 қарашасына дейін Медеу – Туюк-Су автомобиль жолында инженерлік инфрақұрылымды жаңғырту жұмыстары жүргізіледі. Бұл жұмыстар Шымбұлақ шатқалындағы (бұдан әрі – Шатқал) инженерлік желілердің сенімділігін арттыруға және ондағы нысандардың үздіксіз жұмысын қамтамасыз етуге бағытталған, деп хабарлайды Almaty.news ақпарат агенттігі.
Жұмыстарға байланысты Медеу – Туюк-Су автомобиль жолында көлік қозғалысы уақытша шектеледі. Шектеулер жол қозғалысы қауіпсіздігін, арнайы техниканың кедергісіз жұмысын және жұмыстарды белгіленген мерзімде аяқтауды қамтамасыз ету үшін қажет.
Сонымен қатар, Шатқалдағы туристік нысандар белгіленген тәртіпте жұмысын жалғастырады.
Осы кезеңде жол жүру жедел және авариялық қызметтердің көліктеріне, Шатқал тұрғындарына және арнайы техникаға сақталады.
Жаяу туристер үшін Шатқалға және туристік нысандарға кіру ашық қалады. Баламалы маршрут ретінде Студенттік соқпағын пайдалану ұсынылады. Маршрут №12 және 21 автобус бағыттарының соңғы аялдамасынан «Медеу» бөгетінің жанынан басталып, бөгеттің астымен өтіп, «Горельник» визит-орталығына шығады.
Маршрут топырақты соқпақпен өтеді және көтерілу учаскелерін қамтиды. Осыған байланысты туристерге ыңғайлы спорттық немесе треккинг аяқ киімін кию ұсынылады.
Қала тұрғындары мен қонақтарын сапарларын алдын ала жоспарлап, уақытша шектеулерді ескеріп, жол белгілерінің талаптарын сақтап, реттеу қызметтері қызметкерлерінің нұсқауларын орындауға шақырамыз.
Түсіністік танытқандарыңыз үшін алғыс білдіріп, уақытша қолайсыздықтар үшін кешірім сұраймыз.
Қосымша сұрақтар бойынша info@visitalmaty.kz электронды поштасына хабарласуға болады.
Дереккөз: Almaty.tv