Алматы әуежайында Франкфуртке ұшатын рейстің жолаушысы мас күйінде бопсалап, әйнек витринаны сындырып, жанында тұрған қызметкерлерге шыны жаудырды. Бұл оқиға екінші қабаттағы анықтама бюросының жанында болды, деп хабарлайды Almaty.news ақпарат агенттігі.
Көлік полициясының мәліметінше, 32 жастағы шетелдік азамат Қазақстан аумағында тұрады және Арыс қаласындағы жеке компаниялардың бірінде жұмыс істейді. Ол агрессивті әрекет етіп, айналасындағыларға балағат сөздер айтқан, содан кейін шыны витринаға соққы берген. Бақытымызға орай, ешкім жарақат алмаған.
Полиция қызметкерлері құқық бұзушыны полиция бөлмесіне жеткізіп, одан әрі тергеу жүргізді. Ол қоғамдық орында мас күйінде жүргені және ұсақ бұзақылық жасағаны үшін жауапкершілікке тартылды, — деп мәлімдеді полиция өкілдері.
Дереккөз: Nur.kz