Алматыда Канье Уэстің концертіне дайындық аясында арнайы техникалық шаралар қабылданды, деп хабарлайды Almaty.news ақпарат агенттігі.
Бұл шара концерт кезінде қолданылатын және сол жиілік диапазонын пайдаланатын арнайы техникалық жабдықтың дұрыс жұмыс істеуі үшін қажет.
Ұйымдастырушылардың мәліметінше, ұқсас техникалық талаптар басқа елдерде, оның ішінде Грузия мен Түркияда өткен іс-шараларда да қолданылған.
Tele2/Altel бұл ауқымды оқиғаның Алматы үшін маңыздылығын түсінеді және ұйымдастырушылар мен әкімдіктің өтінішіне қолдау көрсетіп, концертті өткізу үшін қажетті техникалық көмек көрсетеді.
Сонымен қатар, Tele2/Altel іс-шара өтетін аумақта клиенттерге мобильді байланыс пен интернеттің қолжетімділігін сақтау үшін барлық қолжетімді техникалық мүмкіндіктерді пайдаланады. Дегенмен, ұйымдастырушылардың техникалық талаптарын орындау үшін қажетті жиіліктердің бір бөлігін уақытша шектеу, желіге күтілетін жоғары жүктемемен бірге, кейбір кезеңдерде мобильді интернет жылдамдығына әсер етуі мүмкін.
Концертке баруды барынша ыңғайлы өткізу үшін Орталық стадионға келгенге дейін телефонға билеттерді, QR-кодтарды және іс-шараға кіру үшін қажетті басқа ақпаратты алдын ала жүктеп алуды ұсынамыз.