КТК телеарнасының хабарлауынша, Алматы облысындағы Боралдай кентінің тұтас көшелері кәріз суына батып кеткен. Сасық сұйықтық көпқабатты үйлердің ауласына тікелей ағып жатыр, деп хабарлайды Almaty.news ақпарат агенттігі.
Жергілікті тұрғындар терезені ашу мүмкін емес дейді — жағымсыз иіс пәтерлерге тарап кеткен. Оның үстіне, айнала шіркей мен маса жаппай көбейіп кеткен.
Адамдар бұған екі жыл бұрын салынған жаңа кәріз сорғы станциясын кінәлайды. Ол тез істен шығып, резервуардан сасық су бесқабатты үйлердің ауласына төгілген.
Тұрғындар мұндай көршілікке қуанбайды. Үлкендер балаларды аулаға жіберуге қорқады, өздері де сыртқа шықпауға тырысады.
Жергілікті әкімдік станцияның айналасында кемінде 50 метр санитарлық-қорғаныш аймағы барын, бірақ құрылғы істен шығып, лас ағындар көшеге төгілгенін түсіндірді. Кент әкімі жақын арада қосымша резервуар орнатылатынын айтты.
Шенеуніктер қосымша резервуар орнату жұмыстары жақын арада басталатынын уәде етті. Оған жергілікті бюджеттен 15 миллион теңге бөлінеді. Тұрғындарды бірнеше ай шыдауға шақырады.
Бұған дейін Ақтау тұрғындары қала көшелерін жаппай басып кеткен шіркей мен ұсақ жәндіктерге шағымданғаны хабарланған болатын, деп хабарлайды Almaty.news ақпарат агенттігі.
Дереккөз: Zakon.kz