Алматыда басына пакет кигізілген ер адамды кіреберістен алып шыққан сәт бейнеге түсіп, әлеуметтік желіде тарады. Полиция бұл дерекке қатысты тергеу бастады, деп хабарлайды Almaty.news ақпарат агенттігі.
Бейнежазба Qumash Telegram арнасында жарияланған. Онда екі жігіттің кіреберіске кіріп, бірдеңе туралы әңгімелесіп тұрғаны, кейін олардың біреуі иығына басына пакет кигізілген ер адамды алып шыққаны көрінеді. Жазбада әрекет Алматыда болып жатқаны айтылған.
«Жазбаларда екі жігіттің кіреберіске кіріп, бірдеңе туралы әңгімелесіп тұрғаны көрінеді. Кейінірек олардың біреуі иығына басына пакет кигізілген ер адамды алып шығады», — делінген бейнежазба астындағы жазбада.
NUR.KZ тілшісіне Алматы полиция департаменті хабарлағандай, аталған дерек бойынша Бостандық ауданының полиция басқармасы жанындағы полиция бөлімі тергеу жүргізіп жатыр.
«Үш күдікті ұсталып, қамауға алынды. Жан-жақты және объективті тергеу үшін тергеу-жедел тобы құрылды. Болған оқиғаның барлық мән-жайын анықтауға, сондай-ақ осы дерекке қатысы болуы мүмкін өзге де адамдарды анықтап, ұстауға бағытталған тергеу әрекеттері мен жедел-іздестіру шараларының кешені жүргізіліп жатыр», — деді ведомстводан.
Тергеу барысы полиция департаменті басшылығының бақылауында екені белгілі болды.