Алматы әкімдігі Құнаев атындағы Үлкен Алматы каналының (БАК) күрделі жөндеу барысын биіктіктен түсірілген кадрлармен көрсетті, деп хабарлайды Almaty.news ақпарат агенттігі.
Қала әкімдігінің мәліметінше, жоба аясында каналдың Медеу ауданынан Алатау ауданындағы Индустриалды аймаққа дейінгі 23,1 км учаскесінде жөндеу жұмыстары жүргізілуде. Сонымен қатар, Гүлдер, Пархач және Бауыржан Момышұлы тоғайы (Роща Баума) жағалауларында үш жағажай аймағы жабдықталуда. Онда орындықтар, қоқыс жәшіктері, жарықтандыру және тұрғындардың жайлы демалысына қажетті басқа да элементтер орнатылуда.
Құнаев атындағы Үлкен Алматы каналы – қала арқылы өтіп, Алматының бірнеше ауданын байланыстыратын ең ірі су артерияларының бірі, — деп атап өтті қала әкімдігі.
Дереккөз: Zakon.kz