Қазақстандық отбасылық жұп велосипедпен Алматыдан Куала-Лумпурға дейін 5 мың шақырымнан астам жол жүріп өтті. Сапар жеті айға созылып, Қытай, Вьетнам және Таиланд арқылы өтті, деп хабарлайды Almaty.news ақпарат агенттігі.
Саяхатшылардың айтуынша, олар көптен бергі арманы – әлемді аралауды жүзеге асыру үшін жолға шыққан. Азия елдерінің маршруты мәдениет пен тарихқа деген қызығушылықтан, сондай-ақ визасыз режимнің арқасында таңдалған.
Алина Пактың айтуынша, сапардың мақсаттарының бірі – шетелдіктерді Қазақстанмен таныстыру. Оның сөзінше, елге деген қызығушылық, әсіресе әлеуметтік желілердің танымалдығы арқасында артып келеді. Көптеген шетелдіктер қазақстандық таулар мен қарды көргісі келеді.
Максим Пактың айтуынша, маршруттың ең қиын бөлігі – Вьетнамға кірер алдындағы Қытайдың таулы аймақтары. Онда саяхатшылар минус бес градусқа дейінгі температурада 3 000 метрге дейінгі көтерілулерді еңсеруге мәжбүр болған. Түнеу үшін шатыр тігіп, от жағып, тауға көтерілу сағатына небәрі 3–4 шақырым жылдамдықпен бір аптаға созылған.
Алдағы айларда велосаяхатшылар маршрутты Сингапур арқылы Индонезияға дейін жалғастыруды жоспарлап отыр.
Дереккөз: Inalmaty.kz