«Қазақстан темір жолы» ұлттық компаниясы Алматы эксплуатациялық вагон депосы басшысының ұсталғанын растады, деп хабарлайды Almaty.news ақпарат агенттігі.
Бұған дейін БАҚ-та «Алматы эксплуатациялық вагон депосы» филиалының директоры аса ірі көлемде пара алды деген күдікпен ұсталғаны туралы ақпарат тараған еді.
Ұлттық компанияның баспасөз қызметі аталған кәсіпорын басшысы 2026 жылғы 9 сәуірде қылмыстық іс бойынша ұсталғанын хабарлады.
— Тергеу оның 2024-2025 жылдардағы қызметін қамтиды. Сот оған қамауда ұстау түріндегі бұлтартпау шарасын санкциялады, — деп атап өтті КТЖ-да.
Компания сыбайлас жемқорлыққа нөлдік төзімділік қағидатын ұстанатынын және тергеуге қолданыстағы заңнама аясында қажетті ақпарат пен материалдарды ұсынып, жан-жақты көмек көрсететінін атап өтті.
Сонымен қатар, құқық бұзушылыққа ықпал етуі мүмкін себептер мен жағдайларды анықтау үшін Алматы эксплуатациялық вагон депосында ішкі тексеру жүргізіліп жатыр.
— Қазіргі уақытта компанияның комплаенс-қызметінің жетекшілігімен комиссия ішкі тексеру жүргізуде. Тергеу іс-шаралары аяқталғанға дейін және уәкілетті органдар процессуалдық шешім қабылдағанға дейін компания қосымша түсініктеме беруден бас тартады, — деп қосты КТЖ баспасөз қызметі.
Бұған дейін «Қазтеміртранс» АҚ алматылық филиалының директоры Ақылбек Базеновтің ұсталғаны хабарланған болатын.
Дереккөз: Inform.kz