Алматыда пәтерлермен қатар дача массивтеріндегі үйлерге де сұраныс жоғары, деп хабарлайды Almaty.news ақпарат агенттігі.
Өңірлік коммуникациялар қызметінің брифингінде Қазақстан риэлторлар өзін-өзі реттейтін қауымдастығы президентінің кеңесшісі Нина Лукьяненко мегаполистің еліміздің барлық өңірінен тұрғындарды тарту орталығы болып қала беретінін, сондықтан мұндай үйлерге де сұраныс бар екенін айтты.
— Бұрын бұл нысандар сұранысқа ие болды, кем дегенде, көптеген адамдар оларды сатып ала алатын, себебі аудан шалғай және бағасы арзан болатын. Ол жерге тұрғын үй салып, қоныстанып тұруға болатын. Бірақ белгілі бір уақыттан бері талаптар өзгерді: «бақжай» мақсатындағы жер учаскесінде тек белгілі бір жылжымайтын мүлік түрін — шағын бақжай үйін салуға болады, — деді ол.
Ол тұрғындардың, әсіресе тұрақты тұру және одан әрі құрылыс салу үшін учаске сатып алатындардың назарын қажетті нысанға сәулет-жоспарлау тапсырмасын (АПЗ) ала алмауы мүмкін екеніне аударды. Сондықтан бұл аспектіні алдын ала ескеру қажет.
Сарапшының айтуынша, Алматы адамдарды тарту орталығы болып қала береді, сондықтан мұндай үйлерге сұраныс сақталуда. Көпшілік бақжай үйлерін алғашқы жылжымайтын мүлік ретінде қарастырады: өңірлерден көшіп келіп, қолжетімді тұрғын үй сатып алады.
Сонымен қатар ол мұндай үйді сатып алмас бұрын егжей-тегжейлі жоспарлау жоспарларын (ЕЖЖ) ескеру және жер учаскесінің қай қала құрылысы аймағына түсетінін, жолды кеңейту немесе мемлекеттік қажеттіліктер үшін алып қою аймағында қалмайтынын нақтылау қажет екенін айтты.
Алматы облысында дача массивтерін қалалар мен ауылдық елді мекендер құрамына кезең-кезеңмен қосу жалғасуда.
Дереккөз: Inform.kz