Алматыдағы Al-Farabi даңғылында болған өлімге әкелген жол-көлік оқиғасы бойынша сот отырысында Zeekr мен Mercedes көліктерінің соқтығысу сәті көрсетілді, деп хабарлайды Almaty.news ақпарат агенттігі.
Бүгін Алматы қалалық сотында үш адамның қазасына әкелген ЖКО бойынша кезекті сот отырысы өтті. Сотта апаттың бейнежазбасы көрсетілді. Кадрларда Zeekr көлігінің Al-Farabi даңғылының қарама-қарсы жолағымен жоғары жылдамдықпен келе жатып, Mercedes-пен соқтығысқаны көрінеді. Соққыдан Mercedes бір жаққа ұшып кеткен.
21 наурызға қараған түні Алматыдағы Al-Farabi даңғылында қорқынышты ЖКО болды. Полиция мәліметінше, Zeekr көлігі қарама-қарсы жолаққа шығып, Mercedes-пен соқтығысқан. Салдарынан Mercedes жүргізушісі мен оның екі жолаушысы оқиға орнында қаза тапты.
Алдын ала сот отырысында Zeekr жүргізушісі қайтыс болғандардың отбасына көңіл айтып, өзін кешіре алмайтынын айтқан. Кейін сотта қаза тапқан Mercedes жолаушысының туыстары сөз сөйлеп, сотталушымен татуласқандарын және оны бас бостандығынан айырмауды немесе шартты мерзім беруді сұраған. Сондай-ақ, қаза тапқан Mercedes жолаушысының анасы да сотталушыға бас бостандығынан айырумен байланысты емес жаза тағайындауды өтінген.
Дереккөз: Nur.kz