Алматыда 2026 жылғы 24 қыркүйекке қараған түні Ө. Ә. Жолдасбеков атындағы Студенттер сарайының шатыры құлады, деп хабарлайды Almaty.news ақпарат агенттігі.
Оқиға куәлері әлеуметтік желілерде жариялаған бейнежазбаларда құлау сәті көрсетілген. ҚазҰУ маңында тұратын тұрғындар қатты гүрсіл естілгенін және шаң бағанасы көтерілгенін жеткізді.
Бұған дейін университет Студенттер сарайы ҚНжЕ талаптарында көзделген бірқатар өрескел бұзушылықтармен пайдалануға берілгенін мәлімдеген.
2023 жылы аккредиттелген ұйым ғимараттың техникалық жай-күйіне сараптама жүргізіп, нәтижесінде көтергіш құрылымдарда айтарлықтай ақаулар мен зақымдар анықталды.
Университет сайтындағы ақпаратқа сәйкес, Ө. Ә. Жолдасбеков атындағы Студенттер сарайы әл-Фараби атындағы ҚазҰУ кешеніне кіреді және мәдени-көрермендік бағыттағы нысандар арасында Республика сарайынан кейінгі екінші орынды алады.