Тауға шығар алдында туристерге маршрут туралы құтқарушыларды хабардар ету, ауа райы болжамын тексеру және қажетті жабдықты дайындау ұсынылады, деп хабарлайды Almaty.news ақпарат агенттігі.
Алматы құтқарушылары тауда жол таппай қалудың алдын алу үшін бірнеше қарапайым ережені ұстануға шақырады. Ең алдымен, жорыққа шығар алдында маршрутты құтқару қызметіне алдын ала айтып қою керек.
Сонымен қатар сапар алдында ауа райы болжамын тексеріп алу маңызды. Тауда ауа райы кенет өзгеруі мүмкін, сондықтан болжамды ескермеу қауіпті жағдайға әкелуі ықтимал.
Қажетті жабдықты дайындау да — міндетті шарт. Құтқарушылардың айтуынша, дұрыс саймансыз тауға шығу тәуекелді арттырады.