Алматыда жеке үйде өрт шығып, өрт сөндіру кезінде газ баллоны жарылысының алды алынды, деп хабарлайды Almaty.news ақпарат агенттігі.
Төтенше жағдайлар министрлігінің баспасөз қызметіне сілтеме жасаған NUR.KZ хабарлауынша, бүгін Алматы қаласының «101» пультіне Түрксіб ауданындағы Тренева көшесінде өрт туралы хабарлама түскен.
Құтқару бөлімшелері келгенде ашық жалын жеке тұрғын үйді және шаруашылық құрылысты қамтығаны анықталған.
«Өрт сөндіру барысында құтқарушылар газ баллонын жану аймағынан уақытында шығарып, ықтимал жарылыс қаупі мен одан да ауыр салдардың алдын алды», — деп хабарлады Төтенше жағдайлар министрлігінен.
Өрт жалпы ауданы 80 шаршы метр жерде сөндірілді. Құтқарушылардың нақтылауынша, зардап шеккендер жоқ.