Алматыдағы «Алтын Орда» базарының жанында түнгі жаңбырдан соң жол мен тротуарда үлкен көлемде су жиналды, деп хабарлайды Almaty.news ақпарат агенттігі.
Оқиға орнынан түсірілген бейнежазбаны Threads әлеуметтік желісінде @_zzhakypp_ пайдаланушысы жариялады.
Жағдайды Наурызбай ауданының әкімдігі түсіндірді. Олардың айтуынша, себеп — жаңбыр суын бұру жүйесінің бітелуі.
«Райымбек даңғылы бойымен ауданның жаңбыр суының бір бөлігі ағатын жерде жаңбыр суын бұру жүйесінің бітелуіне байланысты қиындықтар туындады. Нәтижесінде айтарлықтай көлемде су жиналды. Бұған дейін бұл учаскеде мұндай мәселелер байқалмаған. Қазіргі уақытта коммуналдық қызметтер жаңбыр суын бұру жүйесін тазалау және оның өткізу қабілетін қалпына келтіру жұмыстарын жүргізуде. Жағдай бақылауда», — делінген хабарламада.
Бұған дейін Алматыда жаңбырдан кейін жүргізушілер даңғылдардың бірінде жолдың бір учаскесінің шөгуіне байланысты қиындыққа тап болғаны хабарланған еді.