Алматыда кәмелетке толмаған жасөспірім пошта бөлімшесінен жөнелтілім алғаннан кейін ұсталды. Оның ішінен есірткі заты — марихуана табылды, деп хабарлайды Almaty.news ақпарат агенттігі.
Қалалық ПД Instagram-дағы ресми парақшасында хабарлағандай, есірткі қылмысына қарсы іс-қимыл басқармасының қызметкерлері кәмелетке толмағанды жөнелтілімді алғаннан кейін бірден ұстады. Тергеу барысында жасөспірімнің танысының өтініші бойынша әрекет еткені анықталды.
«Жөнелтілімді алу үшін ол, тергеу нұсқасы бойынша, кәмелетке толмағанның бейнесін заңсыз пайдаланып, электронды құжат ресімдеген», — деп мәлімдеді Алматы ПД.
Қазіргі уақытта полицейлер есірткіні жеткізу арнасын, сондай-ақ тыйым салынған жөнелтілімді ұйымдастыруға және алуға қатысы бар адамдарды анықтауда. Тергеу амалдары жалғасуда.
Дереккөз: Nur.kz