Синоптиктер Алматыда алдағы үш күнге ауа райы болжамын жасады, деп хабарлайды Almaty.news ақпарат агенттігі. Синоптиктердің мәліметінше, 20 маусымда қалада айнымалы бұлттылық күтіледі, күндіз аздаған жаңбыр мен найзағай ойнауы мүмкін. Оңтүстік-батыстан соғатын желдің жылдамдығы 3-8 м/с, күндіз екпіні 13 м/с-қа дейін жетеді. Ауа температурасы түнде +19…+21°C, күндіз +29…+31°C болады.
21 маусымда айнымалы бұлттылық сақталады, күндіз қысқа мерзімді жаңбыр мен найзағай күтіледі. Жел оңтүстік-батыстан 3-8 м/с, екпіні 13 м/с-қа дейін. Температура түнде +20…+22°C, күндіз ауа +31…+33°C-қа дейін жылиды.
22 маусымда жауын-шашын күтілмейді, айнымалы бұлттылық сақталады. Жел оңтүстік-батыстан 3-8 м/с. Температура түнде +20…+22°C, күндіз күшті ыстық +33…+35°C-қа дейін жетеді.
Дереккөз: Inalmaty.kz