Алматыда сауда үйлерінің бірінің тұрағында жүргізуші қауіпті дрифт жасады, деп хабарлайды Almaty.news ақпарат агенттігі.
Дөңгелектердің өткір сықырлаған дыбысы, астынан шыққан қою түтін және экстремалды маневрлер бейнежазбаға түсіп, полиция назарын аударды.
Жетісу ауданы полиция қызметкерлері бұзушыны жедел анықтады. Ол 28 жастағы алматылық болып шықты.
— Қауіпті және демонстрациялық түрде жол жүрісі ережелерін бұзғаны үшін жүргізушіге қатысты Әкімшілік кодекстің екі бабы бойынша бірден әкімшілік материалдар жасалды. Автомобиль мамандандырылған айыптұраққа қойылды, — деп хабарлады Алматы ПД.
Полиция жалпы пайдаланылатын жолдарда, тұрақтарда және басқа да қоғамдық орындарда дрифт жасау айналадағылардың қауіпсіздігіне нақты қатер төндіретінін еске салды. Мұндай әрекеттер жол-көлік оқиғаларын тудырып, ауыр зардаптарға әкелуі мүмкін.
Дереккөз: Inform.kz