Алматыда түнде кафеде шыққан өрт кезінде құтқарушылар бес газ баллонын өрт сөндіру кезінде сыртқа шығарып, жарылыстың алдын алды, деп хабарлайды Almaty.news ақпарат агенттігі.
Оқиға Жетісу ауданы Дегтярев көшесінде болды. Өрт сөндіру бөлімшелері келген кезде кафе ашық жалынмен жанған. Жақын маңдағы өрт гидранттарына шамамен 100 метр қашықтықта автокөліктер қосылып, үздіксіз су берілді.
Қауіпсіздік мақсатында көрші үйдің екі тұрғыны қауіпсіз қашықтыққа шығарылды. Өрт толығымен сөндірілді. Сондай-ақ өрттің көрші жеке үйлерге таралуына жол берілмеді.
«Өрт сөндіру кезінде өртеніп жатқан кафеден бес газ баллоны шығарылды, бұл ықтимал жарылыстың алдын алуға мүмкіндік берді», — делінген ТЖМ хабарламасында.
Өрттің себебі анықталып жатыр.
Дереккөз: Nur.kz