Алматыда түнде екі Toyota Camry көлігі соқтығысып, салдарынан бір көлік төбесіне аударылып қалды, деп хабарлайды Almaty.news ақпарат агенттігі.
Қалалық полиция департаментінің мәліметінше, жол-көлік оқиғасы мегаполистің Медеу ауданында түнгі сағат 12-лер шамасында болған.
Toyota Camry жүргізушісі Талғар трактісімен шығыс бағытта келе жатқан. Аяз би көшесімен қиылыста ол тағы бір Toyota Camry-мен соқтығысқан.
Апаттың алдын ала себебі — қашықтықты сақтамау. Полицияның хабарлауынша, оқиға салдарынан ешкім зардап шекпеді.
Оқиғаның мән-жайын аудандық полиция қызметкерлері анықтап жатыр.