24 шілдеден бастап Алматыда Төле би көшесін тесу жобасы аясындағы құрылыс жұмыстарына байланысты бес автобус бағытының қозғалыс схемасы уақытша өзгереді, деп хабарлайды Almaty.news ақпарат агенттігі.
Қалалық Көлік холдингінің мәліметінше, өзгерістер Әшімов көшесінің Күлбеков көшесінен Машан көшесіне дейінгі учаскесінің уақытша жабылуына байланысты. Құрылыс-монтаж жұмыстары аяқталғанша №14, №15, №26, №118 және №128 бағыттар өзгертілген схемалар бойынша жүреді.
№14 бағыт: солтүстік бағытта: Алатау көшесі — Райымбек даңғылы — әрі қарай схема бойынша; кері бағытта: Райымбек даңғылы — Алатау көшесі — әрі қарай схема бойынша.
№15 бағыт: солтүстік бағытта: Әшімов көшесі — Сәбденов көшесі — Алатау көшесі — Райымбек даңғылы — әрі қарай схема бойынша; кері бағытта: Райымбек даңғылы — Алатау көшесі — Сәбденов көшесі — Әшімов көшесі — әрі қарай схема бойынша.
№26 бағыт: солтүстік бағытта: Алатау көшесі — Райымбек даңғылы — әрі қарай схема бойынша; кері бағытта: Райымбек даңғылы — Абай көшесінің сақинасы алдында бұрылыс — Райымбек даңғылы — Алатау көшесі — әрі қарай схема бойынша.
№118 бағыт: солтүстік бағытта: «Құрылыс көшесі» аялдамасынан Абай даңғылы бойымен — Алатау көшесі — Райымбек даңғылы — әрі қарай схема бойынша; кері бағытта: Райымбек даңғылы — Абай көшесінің сақинасы алдында бұрылыс — Райымбек даңғылы — Алатау көшесі — әрі қарай схема бойынша.
№128 бағыт: солтүстік бағытта: Әшімов көшесі — Сәбденов көшесі — Алатау көшесі — Райымбек даңғылы — әрі қарай схема бойынша; кері бағытта: Райымбек даңғылы — Алатау көшесі — Сәбденов көшесі — Әшімов көшесі — әрі қарай схема бойынша.
Сонымен қатар, 24 шілдеден бастап Төле би көшесіндегі жол жөндеу жұмыстары аяқталып, Өтеген батыр көшесінде қозғалыс ашылғаннан кейін №202 автобус бағыты «Сайран автовокзалы» аялдамасына кірумен бұрынғы схема бойынша қозғалысты қайта жалғастырады. Ол Өтеген батыр көшесінен Варламов көшесіне дейінгі учаскеге бекітілген схемаға сәйкес қызмет көрсетеді.
Сондай-ақ Бейсеуов көшесіндегі жол жөндеуіне және №29Р бағытының бақылау пунктіне өтудің қиындауына байланысты «Экопост (Бутаковка)» аялдамасы уақытша «Бекенбай өзені» аялдамасына ауыстырылды. Шектеу жол жұмыстары аяқталғанша күшінде болады.
Бұған дейін Алматыда Төле би мен Жұбанов көшелерін тесу үшін 80 учаске әлі сатып алынбағаны хабарланған болатын. Сондай-ақ Астанада Мұхамедханов көшесінің учаскесінде төрт күнге жол жабылады.
Дереккөз: Inform.kz