Алматының Бостандық ауданында құтқарушылар тауда денсаулығы нашарлаған жасөспірімге көмекке келді, деп хабарлайды Almaty.news ақпарат агенттігі.
Төтенше жағдайлар министрлігінің мәліметінше, 2009 жылы туған жасөспірім Ғарышстанциясы ауданында 2500 метрден астам биіктікте болған. Тау ауруының белгілері пайда болып, ол өздігінен түсе алмаған.
Алматы ҚТЖ құтқару қызметінің қызметкерлері дереу оқиға орнына жеткен.
Туристпен байланыс сақталып, геолокациясы анықталды. ТЖМ қызметкерлері жасөспірімді «Алма-Арасан» экопостіне дейін эвакуациялады. Түскеннен кейін оның жағдайы жақсарып, тау ауруының белгілері басылды, – деп нақтылады құтқарушылар.
ТЖМ дерегінше, оған медициналық көмек қажет болмаған, кейін ол өз бетімен үйіне кеткен.
Дереккөз: Nur.kz