Алматыда Рысқұлбеков көшесінде жөндеу жұмыстарына байланысты қатарынан екінші күн қозғалыс шектеулері енгізіледі, деп хабарлайды Almaty.news ақпарат агенттігі.
Almaty Joly Telegram-арнасының мәліметінше, Рысқұлбеков көшесінің бір бөлігінде орташа жөндеу жұмыстары жүргізілетіндіктен, уақытша шектеулер енгізіледі. 26 маусымда сағат 08:00-ден 22:00-ге дейін Мустафин көшесінен Саин көшесіне дейінгі аралықта қозғалыс толығымен жабылады.
Жөнделіп жатқан учаскеде ескерту белгілері мен мердігер ұйым басшысының байланыс ақпараты жазылған стендтер қойылады. Маршрутыңызды алдын ала жоспарлауды сұраймыз, — делінген хабарламада.
Еске сала кетейік, 25 маусымда сағат 22:00-ге дейін Рысқұлбеков көшесінің Мустафин көшесінен Науаи көшесіне дейінгі бөлігінде шектеулер әрекет етеді.
Дереккөз: Nur.kz