Алматы метрополитенінің барлық станцияларында таңғы 06:30-дан бастап Onay жүйесінің QR-кодтары арқылы жүргізу ақысын төлеу уақытша істемей қалды, салдарынан метро кіреберісінде адам көп жиналды, деп хабарлайды Almaty.news ақпарат агенттігі.
Метрополитен баспасөз қызметінің мәліметінше, ақау техникалық себептерге байланысты туындаған. Осы уақытта Onay көлік карталары, банк карталары, Apple Pay мен Samsung Pay қосымшалары, сондай-ақ қағаз QR-билеттер арқылы төлем қалыпты режимде жүргізілген.
Кептеліс видеосы әлеуметтік желідегі Threads парақшасында жарияланды, алматылықтар редакцияға фото да жіберген.
Сағат 09:30-да техникалық ақау толығымен жойылды. QR-код арқылы жүргізу ақысын төлеу қалпына келтірілді.
«Бүгін сағат 06:30-дан бастап техникалық себептермен Алматы метрополитенінің барлық станцияларында Onay жүйесінің QR-кодтары арқылы жүргізу ақысын төлеу уақытша істемеді. Бұл ретте Onay көлік карталары, банк карталары, Apple Pay мен Samsung Pay қосымшалары, сондай-ақ қағаз QR-билеттер арқылы төлем қалыпты режимде жүргізілді. Сағат 09:30-да техникалық ақау толығымен жойылды. QR-код арқылы жүргізу ақысын төлеу қалпына келтірілді», — деп түсіндірді баспасөз қызметінде.