Алматыда Төле би көшесін салу аясында қысымы жоғары газ құбырларын (диаметрі 520 мм және 720 мм) қайта жөндеу жоспарланған, деп хабарлайды Almaty.news ақпарат агенттігі.
Осыған байланысты 27 шілде сағат 9:00-ден 31 шілде сағат 18:00-ге дейін мына көшелердің шегінде табиғи газ беру уақытша тоқтатылады: Момышұлы көшесі – Абай даңғылы – Строительная көшесі – Мөңке би көшесі – Фариза Оңғарсынова көшесі.
Тұрғындарды уақытша қолайсыздықты түсіністікпен қабылдап, қажетті шараларды алдын ала қабылдауын сұраймыз.
Дереккөз: Almaty.tv