Алматыда әлеуметтік нанның бағасы 2027 жылдың мамырына дейін бекітілді. «Алматы» ӘКК мен «АЛМАТЫНАН» нан комбинаты арасында несие келісімі жасалып, жоспар бойынша 3,8 млн бөлкеден астам бидай наны шығарылады. Бір бөлкенің шығарылым бағасы — 130 теңге, ал сауда үстемесі 15%-дан аспауы керек, деп хабарлайды Almaty.news ақпарат агенттігі.
Нан ірі супермаркеттер мен үй маңындағы дүкендерде сатылады. Сонымен қатар, қалада әлеуметтік маңызы бар басқа да азық-түлік бағасын тұрақтандыру шаралары жалғасуда. «Сары-Булақ» құс фабрикасымен 86,4 млн жұмыртқаны 59 теңгеден артық емес бағамен жеткізу туралы келісім бар. Өнімді Magnum, Small, Metro, A-store және «Алатау-құс» дүкендерінен сатып алуға болады.
«Алатау-құс» фирмалық дүкендерінде тауық етінің бағасы: сан еті мен балтыры — 1 100 теңге/кг, сирақ — 1 650 теңге. Nauryz Agro KZ компаниясымен ынтымақтастық аясында сан еті мен балтыр 1 300 теңге/кг деңгейінде бекітілген, ал Magnum Cash&Carry желісінде 1 495 теңгеден аспайды. Құс етіне баға тұрақтандыру үш жылға дейін жоспарланған.
Сонымен қатар, «Алматы» ӘКК отандық өндірушілерден 4,5 мың тонна қант сатып алды. Қант Magnum, Small, Toimart, «Столичный», «Юбилейный» және басқа дүкендерде сатылады. Шығарылым бағасы — 405 теңге/кг, сауда үстемесі 10%-бен шектелген. Қант бағасын тұрақтандыру шаралары биылғы қарашаға дейін күшінде болады.
Дереккөз: Inalmaty.kz