Алматыда жаңа метро станциясының құрылысына байланысты Алатау даңғылы бойынша көлік қозғалысы уақытша шектеледі. Көлік Абай даңғылынан Улугбек көшесіне дейінгі аралықта жүре алмайды, деп хабарлайды Almaty.news ақпарат агенттігі.
Almaty Joly Telegram-арнасының мәліметінше, шектеу 13 қарашадан бастап енгізіледі. Себебі — жаңа метро станциясының құрылысы.
Көлік қазірдің өзінде салынып қойған айналма жолмен жүргізіледі. Жаңа №1 станция Алатау даңғылында, Абай даңғылынан солтүстікке қарай орналасады. Жүргізушілерден маршрутты алдын ала жоспарлап, жол белгілеріне назар аудару сұралады.
«Көлік қазірдің өзінде салынып қойған айналма жолмен жүргізіледі. Жаңа №1 станция Алатау даңғылында, Абай даңғылынан солтүстікке қарай орналасады. Жүргізушілерден маршрутты алдын ала жоспарлап, жол белгілеріне назар аудару сұралады», — делінген хабарламада.
Бірінші желінің үшінші кезегі жобасы шамамен 5,3 шақырым тоннель және үш жаңа станция салуды көздейді.
№2 станция Алатау даңғылының болашақ Төле би көшесімен қиылысқан жерінде пайда болады, ал №3 станцияны «Барлық» базарының маңынан салу жоспарланып отыр. Мұнда метро, автобус маршруттары мен LRT-ні біріктіретін көлік-алмасу торабы салынады. Сондай-ақ тұрақ қарастырылған.