Алматыда метро құрылысына байланысты Алатау даңғылында көлік қозғалысының схемасы өзгеріп, көлік бұрын салынған айналма жолмен жүргізіледі, деп хабарлайды Almaty.news ақпарат агенттігі.
Жол-жөндеу жұмыстары мен қозғалысты жабу уақыты туралы Telegram-арнадағы мәліметке сәйкес, көлік ағыны дайын айналма жолға бағытталады.
Жаңа №1 метро станциясы Алатау даңғылында, Абай даңғылынан солтүстікке қарай орналасады.
Бірінші желінің үшінші кезеңі жобасында шамамен 5,3 шақырым тоннель және үш жаңа станция салу қарастырылған.
№2 станция Алатау даңғылының болашақ Төле би көшесімен қиылысатын ауданында пайда болады, ал №3 станцияны «Барлық» базарының жанынан салу жоспарланып отыр.
Мұнда метро, автобус маршруттары мен LRT-ны біріктіретін көлік-алмасу торабы құрылады. Сондай-ақ тұрақ қарастырылған.
Бұған дейін біз Алматыға кіреберістерде аркалар орнатылып, жол жабыны бетонға ауыстырылып жатқаны туралы жазған болатынбыз.