Алматыда атмосфералық ауаны қорғау қағидаларын іске асыру мәселелері бойынша кезекті ақпараттық-түсіндіру кездесуі өтті, деп хабарлайды Almaty.news ақпарат агенттігі.
Талқылауға «Eco Almaty» ЖШС, Алматы қаласы Кәсіпкерлер палатасы «Атамекен» ҰКП, Алматы жолаушылар тасымалдаушылар қауымдастығы, таксопарктер, техникалық байқау операторлары және салалық мемлекеттік органдардың өкілдері қатысты.
Қатысушыларға атмосфералық ауаны қорғау қағидаларының негізгі ережелері, көлік құралдарына техникалық тексеру жүргізуге қойылатын талаптар, нақты шығарындыларды бақылау, катализаторларды сақтау, сондай-ақ шығарындылар деңгейі төмен аймақ (LEZ) пилоттық жобасын іске асыру мәселелері түсіндірілді.
Атап өтілгендей, автокөлік Алматыдағы атмосфералық ауаның ластануының негізгі көзі болып қала береді, ол барлық шығарындылардың шамамен 60% құрайды. Осыған байланысты көліктен шығатын шығарындыларды азайтуға және оның экологиялық жай-күйін объективті бақылауды қамтамасыз етуге ерекше назар аударылады.
Тараптар сондай-ақ жаңа экологиялық талаптарды іске асырудың практикалық тетіктерін және көлік саласын оларды кезең-кезеңімен енгізуге дайындау мәселелерін талқылады.
Дереккөз: Almaty.tv