Алматыда кафеге заңсыз салынған жазғы терраса бұзылды. Құрылыс рұқсат құжаттарынсыз салынғаны анықталды, деп хабарлайды Almaty.news ақпарат агенттігі.
Қала құрылысын бақылау басқармасының мәліметінше, заңсыз салынған жазғы терраса Гете көшесі, 274/32 учаскесінде орналасқан.
«Жоспардан тыс тексеру барысында нысанның рұқсат құжаттарынсыз салынғаны анықталды», — делінген басқарма хабарламасында.
Алайда тексеру аяқталмай жатып, меншік иесі өз еркімен заңсыз құрылысты бөлшектеген.
Дереккөз: Nur.kz