Алматыда бұрынғы сүйіктісін қудалаған ер адам ұсталды, деп хабарлайды Almaty.news ақпарат агенттігі.
Қалалық полиция департаментінің мәліметінше, ажырасқаннан кейін ер адам әйелмен кездесуді талап етіп, оның үйі мен жұмыс орнының маңайында пайда болған. Сонымен қатар ол жасырын нөмірлерден қоңырау шалып, хабарлама жазған.
Зардап шегушінің айтуынша, ер адам ажырасумен келіспей, қоңырау шалып, хабарлама жазып, жеке кездесуге қол жеткізуге тырысқан. Әйел полицияға көмек сұрап жүгінген. Қудалау фактісі бойынша қылмыстық іс қозғалған.
«Зардап шегушінің сөзінше, қарым-қатынас тоқтағаннан кейін ер адам ажырасумен келіспеген. Ол қоңырау шалып, хабарлама жазып, жеке кездесуге қол жеткізуге тырысқан. Әйел полицияға көмек сұрап жүгінген. Қудалау фактісі бойынша қылмыстық іс қозғалды», – делінген хабарламада.
Тергеу барысында хат алмасудың скриншоттары алынып, іс материалдарына қосылған. Күдікті қудалаудағы кінәсін мойындады. Ол ұсталып, уақытша ұстау изоляторына қамалды.
Полиция қудалаудың сезімге қатысы жоқ екенін еске салды. Адамның еркіне қарсы байланыс орнатуға тырысу және жеке өміріне жүйелі түрде араласу қылмыстық жауапкершілікке әкелуі мүмкін.
Құқық қорғау органдары қазақстандықтарды қорқыту мен қудалауға тап болса, оны елемей қоймай, полицияға жүгінуге шақырды.