Алматыда шұғыл кесарь тілігі кезінде 40 жастағы әйелден үлкен миома табылып, алынып тасталды, деп хабарлайды Almaty.news ақпарат агенттігі Денсаулық сақтау министрлігіне сілтеме жасап.
Ведомствоның Telegram-арнасында хабарланғандай, жүкті әйел Алматы қалалық №2 перинаталдық орталыққа 35 апталық мерзімде түскен — оның амниотикалық сұйықтығы мерзімінен бұрын кеткен. Дәрігерлер әйелді тексеріп, ұрықтың қан айналымы бұзылғанын анықтаған. Осыған байланысты шұғыл кесарь тілігін жасау туралы шешім қабылданған.
Операция кезінде мамандар 20×25 см өлшеміндегі үлкен миоманы тапқан. Жағдайды ішектің жатырмен тығыз жабысып қалуы (спайкалық процесс) қиындатқан. Сонда шұғыл операцияға Алматы онкологиялық орталығының онкогинекологы шақырылған.
«Бірлескен күш-жігермен дәрігерлер босануды сәтті қабылдап қана қоймай, 5,1 кг салмақтағы үлкен ісікті алып тастап, пациенттің жатыры мен репродуктивті функциясын сақтап қалды. Бұл әйелге болашақта қайтадан ана болу мүмкіндігін береді», — деп хабарлады министрлікте.
Шала туылған ұл бала 2,2 кг салмақпен дүниеге келген. Туылғаннан кейін нәресте жаңа туған нәрестелердің реанимация бөлімінде мамандардың бақылауында болған. Уақытылы көрсетілген медициналық көмектің арқасында оның жағдайы тұрақтанды. Қазір ана мен бала өздерін жақсы сезінеді және үйлеріне шығарылды.
Дереккөз: Nur.kz