Алматыда Сүйінбай даңғылында түнгі уақытта болған жол апатынан Toyota Caldina көлігі қатты зақымданды, деп хабарлайды Almaty.news ақпарат агенттігі.
Жүргізушінің айтуынша, ол Сүйінбай бойымен солтүстік бағытта келе жатып, тұраққа оңға бұрылмақ болған. Сүйінбайда автобус жолағы бар, ал бөлу жолағына жақындап, бұрылу үшін жүргізуші артқы көрініс айнасына қарап, көлік жоқ екеніне көз жеткізіп, жолын жалғастырған. Бірнеше секундтан кейін соққы болған. Бұрылып бара жатқан Caldina-ның бүйіріне автобус жолағымен келе жатқан Lada Granta соғылған.
Соққыдан Toyota Caldina ортаңғы қатарға лақтырылған, ал Granta жолдан ұшып, тротуармен жүріп, газоннан өтіп, ағашқа соғылған.
Жол апаты салдарынан Lada Granta-дағы үш адам – жүргізуші мен екі жолаушы зардап шекті. Олардың біреуі кәмелетке толмаған. Ол артқы орында отырған және ағашпен қатты соқтығысудан алдыңғы бөлікке ұшып кеткен. Бала сынықтармен балалар ауруханасына жатқызылды. Жүргізуші мен екінші жолаушыны 4-қалалық ауруханаға жеткізді.
Оқиға орнында жол полициясы қызметкерлері жол апатының мән-жайын анықтады.
Дереккөз: Zakon.kz