Алматыда арық желісінің қауіпті учаскелерін жабу жұмыстары басталды. Кейбір тұрғындардың бұл шараның негізділігіне қатысты сұрақтары туындаған. Мамандардың түсіндіруінше, толық жабу туралы емес, тек қауіпсіздікті қамтамасыз ету үшін жүргізіліп жатқан жұмыстар, деп хабарлайды Almaty.news ақпарат агенттігі.
Жұмыстар тек жеті көшеде жүргізілуде, ал жаңғырту тек шағын бөлікті қамтиды. Басты себеп – қауіпсіздік. Бұған дейін қалада адамдардың арықтарға құлау жағдайлары, оның ішінде өліммен аяқталған оқиғалар тіркелген. Қоғамдық кеңістіктерді дамыту басқармасының қызметкерлері экологияға зиян жоқ екенін айтады. Жабылатын каналдардың көпшілігі тек жаңбыр суын бұру үшін пайдаланылады және жылдың көп бөлігінде құрғақ болады. Тағы бір пайдасы – жабық каналдарға қоқыс аз түседі, бұл бітелу және жергілікті су басу қаупін азайтады. Сонымен қатар, коммуналдық қызметтерге арық желісін тазалау және күту оңайырақ болады.
«Таулы жерде, мысалы, Жароков, Достық көшелерінде арық өте терең орналасқан, кей жерлерде тіпті жыра тәрізді. Біз дәл осындай жерлерді қауіпсіздікті қамтамасыз ету үшін жабамыз. Арықтарды тек жаяу жүргіншілер жолына, велосипед жолына, жол жабынына жақын жерлерде ғана жабамыз. Жабу арқылы біз шағын сәулеттік формаларды орнату мүмкіндігіне ие боламыз», — деп атап өтті Қоғамдық кеңістіктерді дамыту басқармасының бас маманы Абылай Жұмағазы.
Дереккөз: Almaty.tv