Алматыда 4 шілде күні күндіз қысқа мерзімді жаңбыр, найзағай және екпінді жел күтіледі. Батыс желдің екпіні 15-20 м/с жетуі мүмкін. Түнде ауа температурасы +16+18°C, күндіз термометр бағандары +24+26°C-тан аспайды, деп хабарлайды Almaty.news ақпарат агенттігі.
«Қазгидромет» РМК Алматы және Алматы облысы бойынша филиалының жетекші инженер-синоптигі Дәулет Кисебаевтың айтуынша, 5 шілдеге қараған түні қысқа мерзімді жаңбыр мен найзағай ықтималдығы сақталады, бірақ күндіз жауын-шашын күтілмейді. Ауа тез жыли бастайды: түнде +17+19°C, күндіз +28+30°C болады.
6-8 шілде аралығында Алматыда құрғақ және ыстық ауа райы орнайды. Синоптиктер жауын-шашын болжамайды. Күндіз температура +30+32°C-тан +33+35°C-қа дейін көтеріледі, ал түнде +18+22°C аралығында сақталады.
Апта соңында ыстық басылмайды. 9 және 10 шілдеде күндізгі уақытта қайтадан қысқа мерзімді жаңбыр мен найзағай болуы мүмкін. Осыған қарамастан, күндізгі температура жоғары болып, +33+35°C-қа жетеді, түнде +20+22°C күтіледі. Сонымен қатар синоптиктер дауылды ескерту жариялады.
Қонаевта да қысқа мерзімді жаңбыр, найзағай және екпіні 25 м/с дейін жететін екпінді жел болжанады. Сондай-ақ Алматы облысының солтүстігінде және шығысында төтенше өрт қаупі сақталады. Синоптиктер тұрғындар мен туристерге сапарларды жоспарлау кезінде болжамды ескеруді, ал найзағай мен қатты жел кезінде сақтық шараларын сақтауды ұсынады.
Дереккөз: Zakon.kz