Алматыда рұқсат құжаттарынсыз салынған автосервис ғимараты бұзылды, деп хабарлайды Almaty.news ақпарат агенттігі қала әкімдігінің баспасөз қызметіне сілтеме жасап.
Ведомствоның мәліметінше, нысан Алғабас шағын ауданындағы Бесінші белес көшесінде орналасқан. Жоспардан тыс тексеру барысында құрылыстың қажетті рұқсатсыз жүргізілгені анықталды. Меншік иесіне әкімшілік шаралар қолданылып, бұзушылықтарды жою туралы нұсқама берілді.
Талаптарды орындамағандықтан, басқарма Алматының Алатау аудандық сотына талап-арыз беріп, ол 2025 жылғы 29 мамырда өтінішті қанағаттандырды. Кейін Алматы қалалық соты шешімді өзгеріссіз қалдырды.
Автосервисті бұзу жұмыстары сот шешімін орындау мақсатында меншік иесімен кеше жүргізілді.
Дереккөз: Inalmaty.kz