Алматы қаласының цифрландыру басқармасы Almaty Hub-пен бірлесіп, жасанды интеллект саласындағы стартаптарды іске қосу бағдарламасы AI’preneurs-тің бесінші ағымына өтінім қабылдауды бастады. Өтінімді 2026 жылдың 17 маусымына дейін astanahub.com платформасында беруге болады, деп хабарлайды Almaty.news ақпарат агенттігі.
AI’preneurs әртүрлі елдерден келген технологиялық өнімдер жасап, өз AI-стартаптарын іске қосқысы келетін мамандарды біріктіреді. Қатысушылар идея мен команда құрудан бастап MVP әзірлеу, алғашқы пилоттар мен инвестиция тартуға дейінгі толық жолды өтеді. Бағдарламаға әзірлеушілер, инженерлер, AI-мамандар, product және project-менеджерлер, аналитиктер, кәсіпкерлер, маркетологтар және AI-өнімдерін жасауға ниетті барлық адамдар шақырылады. Іріктеу кезінде қатысушылардың өнім жасау, гипотезаларды жылдам тексеру және нақты нәтиже көрсету қабілетіне ерекше назар аударылады.
Бағдарлама бірнеше кезеңнен тұрады. Бірінші кезең — Founder Lab, ол төрт аптаға созылады. Қатысушылар командасыз келіп, танысады, қарқынды практикалық жұмыстан өтіп, болашақ стартап-командаларды құрады. Одан кейін Core Accelerator — он апталық кезең, онда командалар өз өнімдерімен жұмыс істейді, гипотезаларды тексереді, MVP жасайды және алғашқы пайдаланушыларға шығады. Сондай-ақ коливинг қарастырылған: шетелдік және басқа қалалардан келген қатысушыларға бағдарламаның бүкіл кезеңінде жайлы тұрғын үй беріледі.
Бағдарламаның финалы Demo Day болады, онда үздік командалар өз жобаларын инвесторлар мен корпоративтік серіктестерге таныстырады.
Бағдарлама түлектерінің қатарында AI, HealthTech, EdTech, HRTech, FinTech, GameDev, өнеркәсіптік қауіпсіздік, цифрлық инфрақұрылым, компьютерлік көру және бизнес-процестерді автоматтандыру салаларындағы стартаптар бар: SALESFLOW.TEAM, Ai Card, Salyq.AI, Chat Insider AI, Qural.AI, AVM.AI, Skideo, KAFTAN, RE:Create Video, STIKER.AI, ATeam, OYS, Co Founder AI, Yer AI Mentor, TabiLens, U-Drone, Botable.dev, Ping!, OMIR.AI, NIGIN, SolidRock, GoStratify, AiPrower, Corelis AI, Loadify.ai, Strimmeo, InnerSpace, Electi, Agesta.ai, DataX AI, RailGuard, Modeleon, Just EDU және Label-Gate.
Қатысушылар Almaty Hub инфрақұрылымына, GPU қуаты бар AlemPlus платформасына, воркшоптарға, трекингке және менторлық қолдауға қол жеткізе алады. Үздік командалар SAFE-келісімшарты бойынша бастапқы инвестицияларға, сондай-ақ Astana Hub халықаралық экосистемасына және шетелдік нарықтарға шығу мүмкіндіктеріне ие бола алады.
Бағдарлама туралы толығырақ ақпарат алып, өтінімді https://astanahub.com/ru/l/aiprenuersalmaty2026 платформасында беруге болады.
Дереккөз: Almaty.tv