Шығыс Қазақстан облысы полиция департаментінің мәліметінше, жергілікті кәсіпорындардың бірінің қызметкерлері қымбат шикізатты ұрлау схемасын жасаған. Олар күзетшілердің көмегімен зауыт аумағынан салмағы 9 370 кг, құны 31 млн теңгеден асатын титан құймасын алып шыққан, деп хабарлайды Almaty.news ақпарат агенттігі.
Ұрлықты жасыру үшін құйманы матамен жауып, үстіне тұрмыстық және өндірістік қоқыстарды төгіп тастаған. Кейін құйма қайта сатылған.
Тергеу барысында полицейлер қылмысқа қатысқандардың барлығын анықтап, ұрланған мүлікті тәркілеп, күдіктілердің көпшілігін жауапкершілікке тартқан. Іздеу шамамен 10 жылға созылған.
Ақырында 63 жастағы ер адам Алматыдан табылып, ұсталды. Қазір ол уақытша ұстау изоляторында, одан әрі іс жүргізу шешімдері заңға сәйкес қабылданады, деп хабарлайды Almaty.news ақпарат агенттігі.
Дереккөз: Zakon.kz