Алматы полиция департаменті Түрксіб ауданында 12 жасар жасөспірімнің өлтірілуін тергеу үшін арнайы тергеу-жедел тобын құрды, деп хабарлайды Almaty.news ақпарат агенттігі.
Сотқа дейінгі тергеу аясында қажетті тергеу әрекеттерінің толық кешені жүргізілуде. Алматы ПД мәліметінше, оқиға орнынан және оған іргелес аумақтан алынған бейнежазбалар, сондай-ақ болған оқиғаның объективті бейнесін анықтау үшін маңызы бар өзге де цифрлық деректер зерделеніп, іс материалдарына қосылды. Барлық дәлелдер мен нұсқалар тексерілуде.
— Бұл ретте, тергеудің осы кезеңінде қылмысқа бір кәмелетке толмағанның қатысы анықталды, ол ұсталып, мамандандырылған мекемеге орналастырылды, — деп атап өтті полицияда.
Бұрын хабарланғандай, пышақ жарақаттары жағымсыз қарым-қатынас негізінде туындаған жанжал барысында жасалған. Қолда бар бейнежазбалар мен хат-хабарлар бойынша алдын ала анықталғандай, зардап шеккен жасөспірім қарым-қатынасты анықтау үшін күдіктіге оның тұрғылықты жеріне келген. Қазіргі уақытта зардап шеккен тарапқа істің барлық мән-жайы түсіндірілді. Тергеу барысы Алматы қалалық полиция департаменті басшылығының ерекше бақылауында екені атап өтілді. Тергеу барлық мән-жайларды жан-жақты зерттеуге бағытталған.
Еске салайық, 10 маусымда Алматының Түрксіб ауданында пышақ жарақатынан 12 жасар жасөспірім қайтыс болды. Қылмыс жасауға күдікпен зардап шеккенмен бұрын таныс 13 жасар алматылық тұрғын ұсталды. Өлтіру фактісі бойынша қылмыстық іс қозғалды. Болған оқиғаның барлық мән-жайын анықтау үшін тергеу әрекеттерінің кешені жүргізілуде.
Дереккөз: Inform.kz