Ұлы Отан соғысы жылдарында 1,2 млн-ға жуық қазақстандық ұрыс қимылдарына қатысқан. Бүгінде елімізде соғыс ардагерлерінің саны бірнеше адаммен ғана есептеледі, деп хабарлайды Almaty.news ақпарат агенттігі.
Жалпы, арнайы мемлекеттік жәрдемақыны еліміз бойынша 83 адам алады, оның ішінде 69-ы – Ұлы Отан соғысына қатысушылар, 14-і – мүгедектер.
Мемлекеттік корпорация төлем алушылар саны бойынша бес өңірді көшбасшы деп анықтады:
- Алматы – 26;
- Алматы облысы – 8;
- Қостанай облысы – 6;
- Шығыс Қазақстан облысы – 4;
- Қарағанды облысы – 4.
Қорғаныс министрлігінің баспасөз қызметі бұған дейін 2026 жылы Қазақстанда Жеңіс күні мен Отан қорғаушылар күніне орай әскери парад жоспарланбағанын мәлімдеген. Оның орнына әскери-патриоттық іс-шаралар – ерлік сабақтары, әскери қызметшілер мен ардагерлерді құрметтеу, экологиялық акциялар, әскери оркестрлердің шеруі, шығармашылық ұжымдардың өнер көрсетуі, техника мен қару-жарақ көрмесі, «Солдат ботқасы» акциясы және ашық есік күндері өткізіледі, деп хабарлайды Almaty.news ақпарат агенттігі.
Дереккөз: Zakon.kz