Алматыда Бутаков сарқырамасы ауданында теңіз деңгейінен 2000 метрден астам биіктікте 2007 жылы туған бес жас Букреев шыңынан түсу кезінде бағдарларын жоғалтып, өз бетімен жол таба алмады, деп хабарлайды Almaty.news ақпарат агенттігі.
2000 метрден астам биіктікте бес турист көмек сұрап, 112 нөміріне хабарласқан.
Оқиға орнына Алматы қаласы ТЖД Құтқару қызметінің қызметкерлері дереу жетті. Құтқарушылар туристерді тауып, оларды «Бутакты» бақылау-құтқару бекетіне дейін аман-есен алып барды. Жастар медициналық көмекке мұқтаж болмады, — деп мәлімдеді ҚР ТЖМ.
ТЖМ тауға шығар алдында маршрутты алдын ала зерттеп, күш-жігерді ескеріп, жақындарына жоспарланған жол туралы міндетті түрде хабарлау қажеттігін еске салады.
Бұған дейін ТЖМ құтқарушылары Өскеменде екі гидроциклшіні эвакуациялағаны хабарланған болатын.
Дереккөз: Inform.kz