Алматы хайуанаттар бағындағы Джума есімді арыстан тағы да келушілердің жауапсыз мінез-құлқының құрбаны болды, деп хабарлайды Almaty.news ақпарат агенттігі.
Хайуанаттар бағының әлеуметтік желілердегі парақшасында видео жарияланды, онда келушілердің бірі жануардың назарын аудару үшін оған тас лақтырғаны көрінеді.
— Естеріңізге саламыз, мұндай әрекеттерге жол берілмейді. Жануарларға кез келген заттарды лақтыру, торларды ұру, мазақтау немесе әдейі мазалау хайуанаттар бағына кіру ережелерімен қатаң тыйым салынған. Хайуанаттар бағындағы жануарлар — ойын-сауық пен тәжірибе объектілері емес. Мұндай әрекеттер оларға стресс, жарақат келтіруі және олардың әл-ауқатына теріс әсер етуі мүмкін, — делінген жазбада.
Барлық материалдар, оның ішінде бейнебақылау камераларының жазбалары және тиісті өтініш қолданыстағы заңнама аясында қарау және шара қолдану үшін полиция органдарына жіберілгені атап өтілді.
Хайуанаттар бағы әкімшілігі келушілерді мінез-құлық ережелерін сақтауға және жануарларға құрметпен қарауға шақырып, олардың қауіпсіздігі мен әл-ауқаты мекеменің сөзсіз басымдығы екенін атап өтті.
Биылғы сәуірде осыған ұқсас оқиға тіркелгенін еске салайық: сонда бір ер адам арыстанның торына тас лақтырған. Кейін ол жауапкершілікке тартылып, 20 АЕК көлемінде айыппұл салынған.
Дереккөз: Inform.kz